Klêi kơ’nâi tơmâng mâu rơkong tơpui, xông tơpui mơgêi roh hôp pôa Phạm Minh Chính, Ngế pro xiâm hnê ngăn tơnêi têa tối nhên, tơdroăng pêi pro mâu tơdroăng tơkêa bro ki xiâm kơvâ troăng klông veăng gum ăm tơtêk dêi lâp tơnêi têa xua thế tơkŭm séa ngăn hnê mơhno vâ tơtêk ƀă hlối tăng cheăng pêi ăm kuăn pơlê, veăng gum mơ’no liăn cheăng tơnêi têa, mơdêk ki kơnâ dêi tơnêi, mơjiâng tíu mơnhông a mâu kong pơlê.

Ngế pro xiâm hnê ngăn tơnêi têa pơkâ mâu kong pơlê ki má lối cho pơlê kong kân Hồ Chí Minh ƀă mâu kong pơlê Bình Dương, Đồng Nai, Long An tơrŭm ƀă Khu xiâm pơkuâ liăn ngân vâ mơdêk rĕng tơdroăng mơnhên tơbleăng hriăn plĕng tơdroăng apoăng chiâng pêi pro tơdroăng tơkêa bro 4 Pơlê kong kân Hồ Chí Minh; kong pơlê Bình Phước, Dak Nông mơdêk rĕng tơdroăng mơjiâng pro ƀă kĭ tơbleăng hriăn plĕng apoăng kô chiâng pêi pro tơdroăng tơkêa bro Gia Nghĩa – Chơn Thành vâ pơxiâm po a roh lơ 30/4/2025...

Mâu tơdroăng mơ’no liăn cheăng vêh séa ngăn kơxô̆ liăn vâ tơbleăng teăm tơdrêng pơtroh kơxô̆ liăn, mâu tơdroăng tơkêa bro pêi pro tung hơnăm 2025 Khu xiâm kal kí xing xoăng tŭm kơxô̆ liăn ăm mâu tơdroăng tơkêa bro.