Ngế pro xiâm hnê ngăn tơnêi têa kheăn kơdeăn tơdroăng mơ-eăm dêi mâu khu xiâm, kơvâ cheăng, kong pơlê, mâu khu tê mơdró ƀă kuăn pơlê, mơnhên mâu tơdroăng châ tơƀrê ki châ hiăng gum kal khât tung tơtêk cheăng kâ – rêh ối pơlê pơla, mơdêk ivá pơkuâ tơnêi têa ƀă ki dâi lĕm tơdah gum kuăn pơlê. Ngế pro xiâm hnê ngăn tơnêi têa tối rơdêi pơkâ pơhlêh rơdêi ing troăng tơmiât pêi pro tiô tơdroăng cheăng pơkuâ tiô tơdroăng châ tơƀrê, xo tơmeăm păng ‘nâng ƀă tơdroăng ki môi tuăn dêi kuăn pơlê, khu tê mơdró pro loăng rĕk kân má môi.

Ki xiâm cho pêi kêi đeăng troăng pơkâ pêi, troăng hơlâ ki má môi, ki xiâm cho tung mơnhông cheăng kâ ‘noăng chư chêh ƀă tuăn ngoâ rơkê xua mơngế pro. Ngế pro xiâm hnê ngăn tơnêi têa pơkâ mâu khu xiâm thâ mơjiâng ƀă tơbleăng hlá mơ-éa hnê mơhno mâu Luât pơhlêh xúa  kŏng ngê̆, Tuăn ngôa rơkê, gâk kring tơniăn măng, Tê mơdró điê̆n tưh tơniăn drêng tơbleăng ƀă xêt khât tơbleăng ăm pêi pro tơdâng tơ’mô luât, ví tíu phuâng laga lôi chúa luât.

Khu xiâm Kŏng an hriăn plĕng, mơjiâng Chin phuh tơbleăng: Tơdroăng pơkâ ‘na troăng pêi châ hluâ pơkâ mơnhông dêi Tíu xiâm Tơmiêt pêi rơkê, xúa ‘noăng chư chêh ối tung Tíu xiâm ‘noăng chư chêh Tơnêi têa, pêi kêi đeăng tung Pái khế apoăng hơnăm 2026.