A rôh tơdah, Ngế pro xiâm hnê ngăn tơnêi têa phiu ro châ hlo tơrŭm cheăng kong têa tung la ngiâ tŭm têk pơla Việt Nam - Nhuk mơnhông rơdêi, tơƀrê, ai pơxúa tung mâu kơvâ cheăng, ƀă tơdroăng loi tơngah tung tơdroăng cheăng kal kí. Nhuk pơtối cho kong têa tơrŭm cheăng kâ tê mơdró ki kal xiâm dêi Việt Nam, cho kong têa ki ‘no liăn hên má pái, kong têa tê mơdró ƀă ôm hyô ối má pŭn dêi Việt Nam.

Tung la ngiâ ah, vâ veăng gum ăm tơrŭm cheăng tung la ngiâ tŭm têk Việt Nam - Nhuk rế hía rế mot trâu hngế, ai pơxúa, tŭm têk, pôa Phạm Minh Chính, Ngế pro xiâm hnê ngăn tơnêi têa pơkâ thế kong pơlê Yamaguchi thăm mơdêk tơrŭm cheăng ƀă Bình Dương ƀă mâu kong pơlê ki ê dêi Việt Nam ‘na cheăng kâ, tê mơdró, ‘no liăn cheăng, mơhnhôk mâu khu mơdró kâ dêi kong pơlê po rơdâ ‘no liăn cheăng; thăm mơdêk roê ‘mot kế tơmeăm, malối cho mâu kế tơmeăm ki xiâm dêi Việt Nam.