Tiô tơbleăng, 9 khế cheăng kâ - rêh ối pơlê pơla tơnêi têa châ tơƀrê hên kal khât, hên tâ tâng pơchông ƀă roh kố hơnăm nah tung tâi tâng mâu kơvâ cheăng. Pói vâ plâ hơnăm ai 14/15 túa pơkâ cheăng châ ƀă hluâ pơkâ pêi. Cheăng kâ kân pơtối tơniăn, liăn chu rơpâ yă châ mơdât, tơtêk cheăng kâ hên tâ kơlo pơkâ mơ’no.

‘Na mâu hnoăng cheăng, troăng pêi mâu khế mơ’nui hơnăm 2024, pôa Phạm Minh Chính, Ngế pro xiâm hnê ngăn tơnêi têa tối nhên: Mâu râ, mâu kơvâ cheăng, mâu kong pơlê ing tơdroăng cheăng, hnoăng chiâng pêi cheăng pơtối tơkŭm pêi pro tơdâng tơ’mô, châ tơƀrê mâu hnoăng cheăng, troăng pêi tung mâu kơvâ cheăng. Tung mê, pơtối mơ-eăm tah lôi tơdroăng kong prâi pro ôh tá tơniăn, ki má lối cho kong mêi khía mơhot roh má 3; Hbrâ, thăm ti tăng mâu kơxô̆ liăn vâ pêi pro tơdrêng mâu troăng hơlâ tŏng kum, tung mê tơniăn ôh tá ăm kuăn pơlê ôh tá bê kế kâ, ôh tá ai ếo xâp, ôh tá ai tíu ối; mâu muăn hok tro thế châ troh hngêi trung, mâu ngế tamo châi thế châ pơlât; tŏng kum hdrê mơnăn păn, hdrê pêt, pro tơniăn ƀă mơnhông pêi chiâk deăng, loăng, ká xi xŏng.