APM Holding cho grup pơkuâ tê mơdró ƀă mơ’no liăn cheăng lâp plâi tơnêi, pêi cheăng tung hên kơvâ cheăng, ƀă tơdroăng mơjiâng 120 hơnăm, grup pơkuâ nôkố ai mâ a lối 130 tơnêi têa ƀă lối 100 rơpâu ngế pêi cheăng. Ngế pro xiâm hnê ngăn tơnêi têa kheăn kơdeăn ‘na kơxô̆ liăn ki ai, kŏng ngê̆ ƀă ki rơkê pơkuâ tiô rơxông nếo xuân môi tiah tơdroăng mơ’no liăn cheăng dêi grup pơkuâ APM Holding a Việt Nam, veăng kum tung tơdroăng mơnhông dêi kơvâ pơto tơmeăm drô têa kơxĭ ƀă tơdroăng cheăng kâ Việt Nam.

Ngế pro xiâm hnê ngăn tơnêi têa tối ăm ‘nâi, Việt Nam ai lối 3.200 km troăng kĭng têa kơxĭ ối tung khu 20 kong têa cheăng kâ tê mơdró lâp plâi tơnêi kân má môi. Việt Nam dế mơdêk mơjiâng pro troăng klông, tung mê ai troăng têa kơxĭ ƀă khu tuk têa kơxĭ vâ kơdroh kơxô̆ liăn logistic dế ối hên, mơdêk ivá tơbriât cheăng dêi tơmeăm khoăng ƀă tơdroăng cheăng kâ.

Ngế pro xiâm hnê ngăn tơnêi têa pâ thế grup pơkuâ hriăn plĕng, veăng mâu tơdroăng ki nhên ki Việt Nam dế kơbông krếo mơ’no liăn cheăng môi tiah kơno tuk Liên Chiểu (Đà Nẵng), kơno tuk lâp plâi tơnêi Cần Giờ (Pơlê kong kân Hồ Chí Minh), mâu kơno tuk a peăng Kơnhŏng tơnêi têa, peăng Tơdế tơnêi têa, Tây Nam Bộ.