A rôh tơdah, pôa Phạm Minh Chính rơkâu ƀă mơnhên tối khât mâu tơdroăng ki ƀlêi chiâng dêi Grup pơkuâ Marriott tung mơjiâng bro hngêi ăm tơmối ối pơtê ki kơhnâ tung lâp plâi tơnêi xuân môi tiah a Việt Nam.

Vâ pơtối mơdêk hnoăng cheăng tơrŭm cheăng tung la ngiâ, Ngế pro xiâm hnê ngăn tơnêi têa pâ thế Grup Marriott pơtối tơbleăng túa pơkâ po rơdâ ‘no liăn pêi cheăng tung mâu kơvâ cheăng ôm hyô, tê mơdró hngêi ăm tơmối ói pơtê, tíu ối pơtê ƀă mâu tơdroăng tơkêa ki kân tơtro ƀă tơdroăng ki ai hlâu dêi Việt Nam ƀă tơdroăng ăm tơmối kong têa ê hâk vâ; tơdjêp ôm hyô Việt Nam ƀă kơpong ƀă kong têa ê bro hên kế tơmeăm, troăng ôm hyô, mơdêk ivá pơkuâ tung kơvâ ôm hyô; tŏng kum ƀă rơtế prôk ƀă Việt Nam ‘mâi mơnhông, mơdêk  kơvâ ôm hyô ƀă pơto chơ kế tơmeăm ing troăng tơƀai tung la ngiâ.