A rôh tơdah, pôa Phạm Minh Chính tối, Việt Nam đi đo nhoăm tơdroăng tơrŭm ƀă mâu khu tơrŭm cheăng dêi Mih, khĕn kơdeăn mâu tơdroăng mơnhông mơdêk tung cheăng kâ - tê mơdró - ‘no liăn cheăng pơla péa tơnêi têa. Ngế pro xiâm hnê ngăn tơnêi têa tối nhên, Việt Nam tối tơdroăng rak ngăn ivá, rak tơniăn ivá kuăn mơngế đi đo cho hnoăng cheăng pêi ki kal; pâ thế Abbott mơdêk ‘no liăn cheăng tung mâu tơdroăng ki Việt Nam dế tơmâng khât, mê cho: Mơdêk ivá mo lĕm, rak ngăn pơlât ăm mơngế Việt Nam, tung mê, ai tơdroăng ‘na trếo kơhiâm; mơdêk kơvâ pêi cheăng ‘na kơmăi pro pơkeăng, kŏng ngê̆ sinh học ƀă hên ki ê.

Kăn xiâm pơkuâ grup Abbott rơkâu Việt Nam pêi pro a hdrối tung kơpong ‘na mơjiâng, xúa trếo kơhiâm, ƀă mâu túa cheăng hiăng hmâ pêi ki kơnía ki hên mâu kong têa ki ê vâ hriâm ƀối. Abbott tơhrâ ‘no liăn cheăng mơjiâng tơmeăm khoăng, tê mơdró ton ta ah a Việt Nam ƀă kô tơrŭm cheăng krá luâ tâ nếo ƀă Việt Nam tung mâu kơvâ cheăng ki Ngế pro xiâm hnê ngăn tơnêi têa hiăng hnê tối.