Pôa Phạm Minh Chính, Ngế pro xiâm hnê ngăn tơnêi têa mơnhên ƀă hiâm mơno “pơxúa ăm dêi pó tơdâng tơ’mô, trâm pá kum dêi pó”, Việt Nam đi đo tơmâng, nhuô̆m tơdroăng tơniăn tíu mơ’no cheăng, tơkêa pro tơ’lêi hlâu ăm mâu khu tê mơdró kong têa ê tung mê ai mâu khu tê mơdró Hàn Quốc ƀă Grup pơkuâ Samsung pêi cheăng mơjiâng tơmeăm tê mơdró tơniăn, châ tơƀrê, ton xŏn a Việt Nam.

Tung la ngiâ, Ngế pro xiâm hnê ngăn tơnêi têa pơkâ thế Grup pơkuâ po rơdâ mơ’no liăn cheăng tung mâu kơvâ ai tơmeăm rơdêi môi tiah kŏng ngê̆ rơxông nếo, điê̆n tưh, chíp bán dẫn; mơ’no liăn mơnhông tâ mê nếo tung mâu kơvâ pơ’lêh xúa kŏng ngê̆, tơtêk lĕm, cheăng kâ đi đo tơtêk, môi tiah; kum hnê mơjiâng mơngế pêi cheăng rơkê ăm Việt Nam.