VOV4.Xơ Đăng - Kơxo lơ  15/5, tiô chôu kong têa , a pơlê kong kân New York, kong têa Mih, pôa Phạm Minh Chính, Ngế pro xiâm hnê ngăn tơnêi têa tơdah pôa Charles Kaye, Ngế pơkuâ Grup Warburg Pincus - cho môi tung kơxô̆liăn ‘măn kơdĭng ‘no liăn cheăng krê dêi kuăn pơlê ki ton honăm  ƀă kân má môi tung lâp plâi tơnêi. 

Pôa Phạm Minh Chính, Ngế pro xiâm hnê ngăn tơnêi têa tơdah kăn xiâm pơkuâ Warburg Pincus

A rôh tơdah, kăn pơkuâ Grup tối tâi tâng mâu tơdroăng,  tơdroăng tê mơdró  ƀă ‘na cheăng kâ kân rế ton rế tơniăn dêi Việt Nam tơ’lêi hlâu ăm mâu khu ‘no liăn cheăng  dêi kong têa têa ê. Ngế pro xiâm hnê ngăn chin phuh pơkâ thế Grup kô tí tăng ‘nâi plĕng pơtối po rơdâ ‘no liăn cheăng a Việt Nam ƀă tơdroăng  mơngế mơdró kâ kâ tung lâp plâi tơnêi kô cho tíu tơdjêp vâ ăm mâu khu ‘no liăn cheăng dêi Mih tối krê khu ‘no liăn cheăng kong têa ê tối tơchoâm troh ‘no liăn cheăng a Việt Nam. Ngế pro xiâm hnê ngăn tơnêi têa pâ thế péa pâ pơtối rak vế pêi pro tung tơdroăng tơrŭm hên hơnăm hdrối, tơbleăng mâu tơdroăng tơrŭm cheăng tiô troăng rơhlâ kơdroh túa pro hlá mơ-éa, pêi cheăng tơdroăng kal, châ pơxúa hên, tơdjâk troh lâp lu.  

Gương tơplôu ƀă tơbleăng