VOV4.Xơ Đăng - Kơxê lơ 2/6, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah Trung tươ̆ng Khamlieng Outhakaysone, Ngế xiâm phŏ pơkuâ lêng, Kăn xiâm tơbleăng tơdroăng cheăng lêng kong têa Lếo ƀă Khu râ kăn teăng mâ xiâm lêng kong têa Lếo ai roh lăm pôu pêi cheăng  a Việt Nam. A roh tơdah, Ngế pro xiâm hnê ngăn tơnêi têa mơnhên Đảng, Tơnêi têa, Chin phuh ƀă kuăn pơlê Việt Nam tá hiâm mơno nhuôm thăm tơrŭm cheăng ƀă kong têa Lếo; pơtối thăm pro rơdêi tâ ƀă krá tơniăn tâ mâu khu râ kăn pơkuâ hiăng mơ’no ivá mơjiâng.

Pôa Phạm Minh Chính, Ngế pro xiâm hnê ngăn tơnêi têa tơdah Kăn xiâm tơbleăng tơdroăng cheăng lêng kong têa Lếo

Troăng hơlâ môi tuăn sap ing apoăng troh tui lui dêi Việt Nam cho pơtối mơ-eăm tâi ivá tơná ƀă khŏm mơ-eăm hên vâ rơtế ƀă kong têa Lếo thăm tơrŭm cheăng krá pơla péa tơnêi têa rế hía rế prôk trâu hơngế, tơxâng tiô tơdroăng kal vâ ƀă châ tơƀrê tung tâi tâng mâu kơvâ. Tung mê, tơrŭm cheăng lêng Việt Nam - Lếo đi đo cho môi tung mâu tíu ki kal dêi tơrŭm cheăng pơla péa tơnêi têa, xua hơniêp lĕm, tơniăn ƀă mơnhông mơdêk dêi rêm tơnêi têa ƀă kum rak hơniêp lĕm a kơpong ƀă lâp plâi tơnêi.

A Sa Ly tơplôu ƀă tơbleăng