VOV4.Xơ Đăng -  Hâi lơ 11/5/2022,  drêng veăng hôp mâu kăn xiâm ASEAN - Mih, lăm pôu pêi cheăng a Mih ƀă Khu lâp kong têa, a pơlê kong xiâm Washington DC, kong têa Mih, pôa Phạm Minh Chính, Ngế pro xiâm hnê ngăn tơnêi têa  hiăng tơdah Ngế xiâm ngăn ‘na liăn dêi Mih Janet Yellen.

A rôh tơdah Ngế pro xiâm hnê ngăn chin phuh khê̆n kơdeăn ing tơdroăng tơrŭm tâi tâng mâu tơdroăng pơla Việt Nam - Mih, tơdroăng tơrŭm cheăng pơla péa tơnêi têa ‘na cheăng kâ-Tê mơdró ƀă liăn ngân tung mâu hơnăm hdrối hlo mơnhông tơ-brê.

Pôa Phạm Minh Chính, Ngế pro xiâm hnê ngăn tơnêi têa tơdah Ngế xiâm ngăn liăn ngân kong têa Mih

Ngế pro xiâm hnê ngăn Chin phuh ƀă Khu xiâm ngăn liăn ngân Mih veăng kum ƀă hlối tơrŭm cheăng krá kak ƀă Việt Nam ‘na mơnhông cheăng kâ, tơleăng mơnhên  tơdroăng pơloăng mơnúa tung lâp plâi tơnêi, tung mê ai tơdroăng pơ’lêh xúa on tơhrik ƀă pêi pro tiô tơhrâ  COP26, tơrŭm mơjiâng mâu luât pơkâ cheăng kâ tung kơpong, tơniăn tơrŭm tê mơdró. Ngê spro xiâm hnê ngăn tơnêi têa púi vâ Mih tơbleăng tối túa pêi cheăng tê mơdró ‘na liăn ngân, malối cho tê mơdró liăn ngân, tơnêi tíu hngêi trăng  ki tơ-tro tơ-brê, tơiăn, tơdrăng veăng pro tơniăn ‘na cheăng kâ kân.

Gương tơplôu ƀă tơbleăng