A rôh tơdah, ngế xiâm pơkuâ ngăn kăn sat kong têa Rusi tối nhên, Việt Nam đi đo châ kơjo kum tung inâi tơpui kâ dêi kong têa Rusi; rơhêng vâ pơtối pro trâu hơngế, ai pơxúa, tơƀrê tâ tung tơrŭm cheăng ƀă kong têa tơrŭm tung la ngiâ tơrŭm tung tâi tâng pơla Rusi – Việt Nam, malối cho tung mâu kơvâ cheăng kal kí, cheăng kâ, tê mơdró, trâm kuăn pơlê, ôm hyô, tối tơbleăng ki rơkê plĕng ăm dêi rơpó, hnê mâu ngế cheăng.

Ngế pro xiâm hnê ngăn tơnêi têa pơkâ thế Rusi tơrŭm ƀă Việt Nam thăm mơdêk tâ nếo mâu tơdroăng cheăng tê mơdró, ‘no liăn cheăng, ‘mâi mơnhông tơdroăng ki kơdroh ‘na tê mơdró pơla péa tơnêi têa; pêi pro tơdroăng ki hbru theh visa điê̆n tưh ăm kuăn pơlê Việt Nam; tŏng kum mâu tơdroăng ‘na luât, pro tơ’lêi ăm kuăn pơlê Việt Nam rêh ối, pêi cheăng kâ, hriâm tâp a Rusi.