A rôh tơdah, Ngế pro xiâm hnê ngăn tơnêi têa tối hneăng pôa Prak Sokhonn lăm pôu ai pơxúa kal khât, veăng mơnhông ƀă mơdêk tơrŭm cheăng pơla péa Đảng, péa tơnêi têa. Péa ngế kăn xiâm vâ môi tuăn tiah kố, Việt Nam ƀă Kul cho péa tơnêi têa ki achê dêi rơpó, hiăng đi đo achê ƀă dêi rơpó plâ xâ kơneăm tơdjuôm vâ pro tơleăng lĕm hdroâng mơngế, lâp tơnêi têa tơrŭm môi tung mơjiâng ƀă kring vế tơnêi têa; tơrŭm cheăng krá, môi tuăn, kum dêi rơpó pơla péa Đảng, péa tơnêi têa ƀă kuăn pơlê péa tơnêi têa cho tơdroăng ki thế pêi pro, ki kal má môi cho kring gak tơniăn, mơnhông tơnêi  têa.

Péa pâ tối tơdroăng tơrŭm hiăng veăng pro kal khât tung kring vế tơniăn cheăng kal kí, tơniăn cheăng lêng - kring gak tơnêi têa, mơnhông cheăng kâ rêh ối ƀă mơdêk ki rơdêi dêi lâp plâi tơnêi dêi tơrêm Đảng, rêm tơnêi têa; loi khât kơ tơdroăng tơrŭm ƀă kong têa ki achê, tơniăn lĕm, tơrŭm tiô khôi hmâ ton nah, tơrŭm tung tŭm tơdroăng, krá kal ton pơla Việt Nam ƀă Kul rế ton rế châ ‘mâi mơnhông ƀă mơdêk rơdêi, xua vâ pro pơxuá dêi kuăn pơlê péa tơnêi têa.