Pôa Phạm Minh Chính hâk koh phiu ro Kăn xiâm pơkuâ kong têa Mông Cổ, kheăn kơdeăn roh lăm pôu pêi cheăng kơnâ kal khât, tơkŭm po ahdrối leh tơbâ 70 hơnăm mơjiâng tơrŭm tơpui kâ a hơnăm 2024 ƀă djâ tơrŭm cheăng nhŏng o tiô khôi vâi krâ nah pơla péa pâ hneăng mơnhông mơdêk nếo, păng ‘nâng, châ tơƀrê.

Péa pâ hiăng tơpui tơno ‘na troăng pêi ki nhên vâ thăm tơrŭm păng ‘nâng, châ tơƀrê hên tâ tung mâu kơvâ cheăng, tơtro ƀă tơmeăm ki rơdêi, tơdroăng kal vâ péa pâ, tơxâng ƀă tơrŭm cheăng kal kí lĕm tro pơla péa tơnêi têa. Ngế pro xiâm hnê ngăn tơnêi têa phiu ro péa pâ hiăng po troăng kơneăng tơdrăng ƀă kĭ pơkâ ‘na ôh tá êa kal ai mơ-éa mơnhên mơngế ăm mơngế djâ mơ-éa ki lăm a kong têa ê phôh thong, ing mê pro tơ’lêi hlâu mơdêk tơrŭm cheăng ôm hyô, tê mơdró ƀă thăm trâm mâ pơla kuăn pơlê péa tơnêi têa.