A roh trâm mâ, pôa Phạm Minh Chính mơnhên, Đảng, Tơnêi têa, Chin phuh, Kuô̆k hô̆i ƀă kuăn pơlê Việt Nam ôh tá la lâi kâi piu lôi tơdroăng tŏng kum dêi Cuba ƀă tơdroăng tơplâ tơleăng lĕm hdroâng mơngế dêi Việt Nam, đi đo nhuô̆m, rak ƀă khŏm mơ-eăm pro trâu hơngế tâ tơrŭm cheăng tiô khôi vâi krâ nah rŭm môi tuăn ƀă tơrŭm cheăng tŭm têk Việt Nam – Cuba, kan sát môi tuăn tơdroăng cheăng kăch măng tơxâng tro khât dêi kuăn pơlê Cuba.

Ngế pro xiâm hnê ngăn tơnêi têa vêh mơnhên troăng tơmiât pêi troh tá tui lui dêi Việt Nam ôh tá môi tuăn ƀă pơkâ tah lôi mâu troăng mơdât môi pâ xêh ƀă Cuba. Péa pâ mơnhên tơdroăng mơ-eăm rơtế tơrŭm tơkŭm po lĕm tro mâu tơdroăng leh tơbâ 50 hơnăm roh lăm pôu Kăn xiâm pơkuâ Fidel troh kơpong tơleăng lĕm peăng hdroh Việt Nam (9/1973 – 9/2023), ki rơhêng vâ tối cho roh lăm pôu Việt Nam dêi Kăn xiâm hnê ngăn Kuô̆k hô̆i Cuba Esteban Lazo Hernández.