VOV4.Xơ Đăng - Kơxê lơ 19/4, pôa Phạm Minh Chính, Ngế pro xiâm hnê ngăn tơnêi têa hiăng trâm mâ tơpui tơno ƀă pôa Om Birla, Kăn xiâm hnê ngăn Kuô̆k hô̆i râ má péa kong têa Ấn Độ klăng roh Kăn xiâm hnê ngăn Kuô̆k hô̆i râ má péa dế lăm pôu pêi cheăng a Việt Nam. Pôa Phạm Minh Chính mơnhên tối, Việt Nam đi đo phiu ro, pro tơ’lêi hlâu ăm mâu khu tê mơdró Ấn Độ thăm mơ’no liăn cheăng ‘na pơkeăng, hngêi trăng, troăng klông, kơmăi kơmok uâ mơdiê tơmeăm khoăng, mơjiâng pro tơmeăm, kŏng ngê̆ thông tin, kŏng ngê̆ sinh hok, on tơhrik ki vêh pro, pêi chiâk deăng xúa kơmăi kơmok rơxông nếo, pơ’lêh nếo tơmiât pêi cheăng rơkê ƀă hía hé.

Pôa Phạm Minh Chính, Ngế pro xiâm hnê ngăn tơnêi têa trâm mâ tơpui tơno ƀă Kăn xiâm hnê ngăn Kuô̆k hô̆i râ má môi kong têa Ấn Độ

Ngế pro xiâm hnê ngăn tơnêi têa pơkâ thế péa pâ pơtối rak mâu troăng tơrŭm cheăng, tung mê ai troăng pêi Vi ƀan Chin phuh; thăm pêi pro tâ mê nếo tơrŭm cheăng lêng, gak kring, mơhno túa lĕm tro, trâm mâ pơla kuăn pơlê, hnê hriâm hnê mơjiâng, pơ’lêh pêi cheăng xúa kơmăi kơmok, pơ’lêh xúa on tơhrik, hbrâ ví kong prâi hơ’lêh ƀă tơrŭm cheăng têa kơxĭ, têa châu têa kơxăng.

Ngế pro xiâm hnê ngăn tơnêi têa pói vâ Ấn Độ pơtối tŏng kum pro tơ’lêi hlâu ăm kuăn pơlê ƀă khu tê mơdró Việt Nam rêh ối, hriâm tâp, pêi cheăng a Ấn Độ.

A Sa Ly tơplôu [ă tơbleăng