Péa Kăn xiâm mơnhên ing tơdroăng ki kơnâ kơnía dêi tơrŭm tiô khôi vâi krâ nah xua Pôa Hồ Chí Minh, Kăn xiâm hnê ngăn Tơnêi têa ƀă pôa Soekarno, Kăn xiâm pơkuâ kong têa kong têa Indonesia hneăng hdrối nah pro xiâm kối, péa tơnêi têa kô thăm tơpui tơno trâm mâ khu râ kăn xiâm ƀă mâu râ tung la ngiâ, pro xiâm kối ăm leh tơbâ 10 hơnăm tơrŭm cheăng ton xŏn tung hơnăm 2023 ƀă tơmiât troh mâu tơdroăng kân 70 hơnăm tơrŭm cheăng tơpui kâ ƀă 80 hơnăm Hâi mơjiâng tơnêi têa dêi péa tơnêi têa hơnăm 2025.

Klêi mê, môi tuăn mơnhông tơdroăng châ tơƀrê mâu troăng tơrŭm cheăng pơla péa pâ ƀă tơrŭm pêi pro lĕm tro mâu pơkâ, môi tuăn hiăng kĭ, tung mê, ai tơdroăng djâ mơ-éa ki kal hiăng kĭ ‘na tơrŭm cheăng ‘na tê kơxĭ rĕng ai xêt khât ƀă po rơdâ pêi pro tung tơdroăng ai khât dế nôkố, mơjiâng xiâm kối djâ tơrŭm cheăng ton xŏn mơnhông mơdêk a’ngêi tâ, la ngiâ cho Khu tơrŭm cheăng ton xŏn tung la ngiâ; mơ-eăm djâ pêi lo liăn tê mơdró pơla péa pâ châ 15 rơtal dollars a hơnăm 2028.