VOV4.Xơ Đăng - Klêi leh tơbâ roh má 45 hơnăm tơdroăng pêi pro vâ troh rôih hnâp rơxông Polpot dêi pôa Hun Sen, Ngế pro xiâm hnê ngăn kong têa Kul, pôa Phạm Minh Chính, Ngế pro xiâm hnê ngăn tơnêi têa hiăng trâm mâ hlối tơpui ƀă pôa Hun Sen, Ngế pro xiâm hnê ngăn kong têa Kul a Hngêi tơrŭm cheăng pơla Kul - Việt Nam dêi tơring Memot,  kong pơlê Tbong Khmum dêi kong têa Kul. Pôa Hun Sen koh hâk mơnê kơ pôa Phạm Minh Chính hiăng troh veăng Leh tơbâ tơdroăng ton nah a hâi lơ 20/6/2022, ngăn mê cho vâ mơhno tơdroăng tơrŭm krá khât sap nah pơla péa hdroâng mơngế Việt Nam - Kul.

Péa Ngế pro xiâm hnê ngăn tơnêi têa tơrŭm mơdêk tơpui tung tâi tâng khu kăn xiâm ƀă hlối tơbleăng tro mâu tơdroăng cheăng pêi “Hơnăm Tơrŭm cheăng pơla Việt Nam - Kul 2022”, tung mê ai leh tơbâ 55 hơnăm tơrŭm cheăng tơpui kâ pơla péa tơnêi têa hâi lơ 24/6/2022 a pơlê kong xiâm Hà Nội.

Péa pâ xuân vâ môi tuăn mơdêk tơrŭm pơla péa pâ ‘na cheăng kâ; rĕng pêi klêi “pơkâ tâi tâng vâ Tơdjêp pơla péa pâ ‘na cheăng kâ pơla Việt Nam - Kul troh hơnăm 2030’’.

Gương tơplôu ƀă tơbleăng