VOV4.Xơ Đăng - Kơxo lơ 11/5, pôa Phạm Minh Chính, Ngế pro xiâm hnê ngăn tơnêi têa pơkuâ djâ khu kăn xiâm Chin phuh Việt Nam hiăng troh a pơlê kong xiâm Washington, kong têa Mih pơxiâm lăm veăng Hôp mâu kăn xiâm ASEAN - Mih.

Tiô tối hdrối a Hneăng hôp mâu kăn xiâm mê, Kăn xiâm mâu kong têa tung ASEAN ƀă Kăn xiâm pơkuâ kong têa Mih kô rơtế hvái ngăn ƀă tối tâi tâng tơdroăng tơrŭm cheăng pơla péa pâ tung 45 hơnăm hdrối ƀă pơkâ mâu troăng rơhlâ ki kal mơnhông mơdêk tơrŭm cheăng ASEAN - Mih tung la ngiâ, pakĭng mê mơdoh chôu tơpui tơno ‘na mâu tơdroăng tung kơpong ƀă lâp pâi tơnêi ki rêm pâ rơtế vâ ‘nâi plĕng.

Pôa Phạm Minh Chính, Ngế pro xiâm hnê ngăn tơnêi têa troh a pơlê kong xiâm Washington, kong têa Mih

Xuân tung rôh lăm pêi cheăng, pôa Phạm Minh Chính Ngế pro xiâm hnê ngăn tơnêi têa kô ai mâu roh trâm kăn xiâm rêm tíu pêi cheăng xiâm, kơ koan, khu tơrŭm cheăng lâp plâi tơnêi., khu mơdró, mâu ngế rơkê ‘na mâu túa cheăng, mâu ngế rơkê má môi a Mih; lăm ngăn mâu tíu pêi cheăng kâ, ‘na mơhno ki lê̆m tro, hnê hriâm dêi Mih; veăng  hôp tơpui ‘na tê mơdró, ôm hyô ƀă ‘no liăn cheăng. Ngế pro xiâm hnê ngăn tơnêi têa mơdoh chôu trâm kuăn pơlê mơngế Việt Nam a Mih.

Gương tơplôu ƀă tơbleăng