Xông tơpui a kố, pôa Phạm Minh Chính mơnhên tung tơdroăng châ tơƀrê tơdjuôm dêi tơnêi têa a tơdroăng veăng kum kal khât dêi mâu ƀok phop tối tơdjuôm, khu khôp Phop Nam tông Khmer tối krê. Ngế pro xiâm hnê ngăn tơnêi têa mơnhên, Đảng, Tơnêi têa đi đo mơ-eăm xua tơdroăng phâi hơtô, hơniâp lĕm dêi kuăn pơlê tối tơdjuôm, gâk kring hnoăng kuăn mơngế, tơdroăng loi tĭng tiô khôp dêi kuăn pơlê; tung mê, tơmâng tŏng kum ăm mâu kuăn khôp Phop Nam Tông Khmer tối krê.

Teăng mâ khu râ kăn pơkuâ hnê ngăn Đảng, Tơnêi têa, Ngế pro xiâm hnê ngăn tơnêi têa rơkâu ƀok Phop, kuăn khôp Phop, kuăn pơlê hdroâng kuăn ngo Khmer klăng roh Leh mơdĭng Sen Dolta hơnăm 2023 ƀă pói vâ kuăn pơlê Khmer pêi cheăng châ tơƀrê, tơniăn, tơdroăng rêh ối rế hía rế phâi hơtô, hơniâp lĕm; Ngế pro xiâm hnê ngăn Đảng ƀô̆, khu râ kăn pơkuâ, Măt trâ̆n Tơnêi têa kong pơlê Trà Vinh tŏng kum tŭm tơdroăng rêh ối ‘na kế tơmeăm ƀă hiâm mơno ăm kuăn pơlê.