Pôa Phạm Minh Chính, Ngế pro xiâm hnê ngăn tơnêi têa troh lăm séa ngăn a tíu ai on chếo kơpong hngêi ối mini Khương Đình, Hà Nội
Thứ năm, 06:00, 14/09/2023
Tơplôu: Gương/VOV
Tơplôu: Gương/VOV
VOV4.Xơ Đăng - Kơhâi dế lơ 13/9, pôa Phạm Minh Chính, Ngế pro xiâm hnê ngăn tơnêi têa troh lăm séa ngăn a kơpong hngêi mini ki ai on chếo ó a Khương Đình, pơlê krâm Thanh Xuân, pơlê kong kân Hà Nội. Klêi mê, lăm pôu ƀă séa ngăn tơdroăng tŏng kum pơlât tơdrêng mâu ngế tro on trâm xía vâ rôh chếo a hngêi pơkeăng Bạch Mai, Hà Nội.
A tíu mê, teăng mâ Chin phuh, Ngế pro xiâm hnê ngăn tơnêi têa pơtroh rơkong kơ-êng hơlêm, veăng khéa troh mâu nhŏng o rơpŏng hngêi ai ngế trâm xía vâ hlối hnê mơhno Vi ƀan pơlê kong kân Hà Nội hnê tơkŭm lăm pôu ngăn krâu, teăm tơdrêng hơlêm, veăng kum tơmeăm, hơlêm tuăn ngôa ăm mâu rơpŏng hngêi ki trâm pá.
Tơrŭm krá ƀă khu xiâm kŏng an hnê mơhno mâu khu â pơkuâ cheăng tơkŭm pêi mâu tơdroăng tơkâ luâ xơpá, thâ séa ngăn xiâm tơdroăng on chếo, mơnhên hnoăng cheăng dêi mâu khu tơrŭm, mâu ngế ki tơdjâk troh; tơleăng mơnhên mâu ki pro xôi luât (tâng ai) tiô pơkâ dêi Luât.
Viết bình luận