Tơpui a rôh leh, Ngế pro xiâm hnê ngăn tơnêi têa mơhno nhên, Đảng, Tơnêi têa pin đi đo tơmâng ngăn troh khoa hok kong ngê̆ ƀă pơhlêh nếo tơmiât rơkê, ngăn kố cho môi tung mâu kơmăi kơmok ki xiâm ăm mơnhông rĕng ƀă krá ton. Ngế pro xiâm hnê ngăn tơnêi têa tối nhên, pơhlêh nếo tơmiât rơkê ai pơxúa kal khât tung mâu tơdroăng cheăng dêi tơdroăng rêh ối pơlê pơla, tung mâu kơvâ cheăng dêi tơdroăng cheăng kâ.

‘Na mâu hnoăng cheăng, troăng hơlâ pơkâ tơdjuôm Ngế pro xiâm hnê ngăn tơnêi têa tối nhên, athế tơkŭm pêi pro klêi troăng hơlâ mơhnhôk khu mơdró kâ ‘no liăn tung khoa hok kong ngê̆, pơhlêh nếo tơmiât rơkê, rak vế tơdroăng ki châ xúa mâu liăn ngân ƀă kế tơmeăm ki kal ăm tơdroăng mơjiâng. Thăm mơdêk ‘no liăn pro hngêi trăng troăng klông, malối cho troăng prôk tung la ngiâ, on tơhrik, viễn thông; hnê mâu ngế vâ pêi cheăng rơkê.