Xông tơpui a hneăng hôp, Ngế pro xiâm hnê ngăn tơnêi têa tối rơdêi, Hneăng hôp Kŏng an lâp tơnêi têa hơnăm kố ai kơnâ kal khât, cho tíu hdró tơdroăng ron ton nah mơnhên 80 hơnăm mơjiâng, tơplâ, xông kân ƀă mơnhông ƀlêi trâng kân dêi khu Kŏng an kuăn pơlê.

Hơnăm 2025 tối hdrối hên pá puât tâ, hnoăng cheăng pơkâ hngăm tâ, rế thế mơ-eăm pêi pro ƀlêi trâng mâu pơkâ gâk kring tơnêi têa ƀă cheăng kâ rêh ối pơlê pơla dêi plâ hneăng; rế thế pêi bro lế lĕm tro khu pêi cheăng; tơkŭm po châ tơƀrê hneăng hôp Đảng bô̆ mâu râ la ngiâ Hneăng hôp Đảng lâp tơnêi têa roh má XIV; tơkŭm po mâu hâi leh kân dêi tơnêi têa; mơjiâng tơdroăng tơtêk ăm tơnêi têa tơtêk 2 kơxô̆ tung hơnăm 2025.

Ngế pro xiâm hnê ngăn tơnêi têa tối rơdêi, Khu kŏng an thế pêi pro ƀă dó inâi cho: “Djâ troăng ahdrối, prôk hdrối, tơtêk rĕng, châ tơƀrê pêi pro mâu troăng hơlâ dêi Đảng, luât dêi Tơnêi têa, mơjiâng khu Kŏng an kuăn pơlê krúa lĕm, ó rơdêi, chính quy, ƀeăn ƀĕng, tiô rơxông nếo’’.