Ngế pro xiâm hnê ngăn tơnêi tê tối, Đảng, Tơnêi têa, Chin phuh đi đo tơmâng khât, pơkâ ƀă tơbleăng pêi tơƀrê hên troăng rơhlâ luât pơkâ, ‘măn ăm hên xiâm ki vâ mơjiâng ƀă mơnhông tơ ƀrê  túa lĕm tro, rak vế túa lĕm tro hdroâng kuăn ngo, mơdêk ‘na văn hok ngê̆ thuât ƀă hên tơdroăng mơhno túa lĕm tro ki ê.

Teăng  mâ kăn xiâm Đảng ƀă Tơnêi têa, Ngế pro xiâm hnê ngăn tơnêi têa nhoăm mâu hnoăng pleăng, veăng ‘no dêi mâu ngế ki pêi tơdroăng cheăng pleăng hnoăng veăng’no dêi mâu ngế pêi tơdroăng cheăng ‘na mơhno túa lĕm tro tung lâp tơnêi têa; hâk ro koh tơbâ 78 hơnăm mơngế pêi cheăng kơhnâ rơkê hâi kố ƀă tơmâng xo, khĕn kơdĕn mâu tơdroăng kơdôu mơ-eăm ƀă hiăng châ pêi pro dêi kơvâ túa lĕm tro tung mâu hơnăm hdrối.

Ngế pro xiâm hnê ngăn tơnêi têa púi vâ ƀă loi tơngah, mâu kăn cho mâu ngế ki djâ troăng a hdrối hâi kố kô pơtối rak vế hnoăng cheăng tơná pêi, pơtối cho xiâm ki mơhno hâk vâ, cho mơhnhôk mơ-eăm troh lâp lu, vâ kơ’nâi hneăng hôp mê, kô ai tơ'nôm hên mâu ngế  pêi cheăng kơhnâ, hên túa pêi tro ‘ló, veăng pêi mâu tơdroăng pơkâ dêi kơvâ túa lĕm tro tối krê, xua tơdroăng cheăng mơnhông tơtêk túa lĕm tro tối tơdjuôm.