Tơbleăng a rôh hôp, teăng mâ Chin phuh, pôa Phạm Minh Chính tơmâng xo, khĕn kơdeăn ƀă rơkâu mâu hnoăng pêi ki kal ki Đảng ƀô̆, mâu kăn ƀă kuăn pơlê tung kong pơlê Bình Dương hiăng châ pêi pro tung pơla hdrối kô hía nah.

Púi vâ ƀă loi khât tiah kố, hnoăng cheăng pêi dêi kong pơlê Bình Dương rế châ mơhnho tung tơdroăng mơnhông tơdjuôm dêi lâp tơnêi têa, xuân môi tiah tung tơdroăng djâ Việt Nam mot tung mâu hơnăm pêi cheăng ki nếo, rơxông mơ-eăm pêi cheăng dêi hdroâng kuăn ngo, ƀă mâu tíu tơngah krá kak, pin rơtế pơtối rak vế: Mê cho tơdroăng tơrŭm môi tuăn tung kuăn pơlê, tung Đảng ƀô̆; mê cho tơdroăng ki lĕm ton nah tơdroăng tơplâ khên tơnôu; Mê cho tíu tơngah dêi hiâm mơno kuăn pơlê ƀă ki môi tuăn dêi rêm râ kuăn pơlê. Ngế pro xiâm hnê ngăn tơnêi têa loi tơdroăng pơkâ mê kô pro pơxúa ăm Bình Dương mơnhông rơdêi tâ nếo.