VOV4.Xơ Đăng - Kơxo lơ 20/6, a kơpong tơkăng kong pơla tơring Lộc Ninh, kong pơlê Bình Phước ƀă tơring Memot, kong pơlê Tbong Khmun, kong têa Kul; pôa Hun Sen, Ngế pro xiâm hnê ngăn kong têa Kul hiăng pơkuâ leh tơdah pôa Phạm Minh Chính, Ngế pro xiâm hnê ngăn tơnêi têa ƀă khu râ kăn xiâm Việt Nam veăng mâu tơdroăng leh tơbâ peăng kong têa Kul. Xông tơpui a roh leh, Ngế pro xiâm hnê ngăn kong têa Kul môi xôh nếo mơnhên tơdroăng pêi pro dêi Việt Nam cho tơtro păng ‘nâng, mâu lêng pleăng hnoăng cheăng Việt Nam hiăng rơtế veăng kong têa Kul tung tơdroăng tơleăng lĕm tơnêi têa, tŏng kum kuăn pơlê Kul hluăn ing rơxông kơdê hlâ long mơngế Pol Pot, rêh nếo ƀă mơnhông mơdêk tơnêi têa.

Pôa Phạm Minh Chính, Ngế pro xiâm hnê ngăn tơnêi têa veăng Leh tơbâ roh má 45 hơnăm Troăng prôk vâ rôih hnâp rơxông kơdê hlâ mơngế Pol Pot

Péa Ngế pro xiâm hnê ngăn tơnêi têa tối phiu ro tơdroăng rŭm môi tuăn, tơrŭm tiô khôi vâi krâ nah ƀă tơrŭm tŭm têk lĕm tro pơla Việt Nam ƀă kong têa Kul ƀă pơtối rak tơniăn ƀă mơnhông tung hên kơvâ cheăng, djâ pơxúa păng ‘nâng ăm kuăn pơlê péa tơnêi, kum kal khât tung hơniâp lĕm, tơniăn, mơnhông mơdêk tung kơpong ƀă lâp plâi tơnêi, tơrŭm tiô khôi vâi krâ ton nah, tơrŭm tŭm têk, krá tơniăn ton xŏn’’ kơnía pơla péa hdroâng mơngế.

A Sa Ly tơplôu ƀă tơbleăng