VOV4.Xơ Đăng - Kơmăng lơ 28/6, a Hà Nội, pôa Phạm Minh Chính, Ngế pro xiâm hnê ngăn tơnêi têa hiăng veăng Tơdroăng pêi cheăng tíu hrik mơ’no hyôh um tơvi mơ’no tơdrêng ‘’Tơdroăng pói vâ têa kơxĭ ngiât lĕm’’ klăng hâi ‘’Têa kơxĭ lâp plâi tơnêi’’ dêi Khu lâp kong têa, Măng tĭng leh Têa kơxĭ ƀă Têa kơxĭ dêi Việt Nam. Pôa Phạm Minh Chính tối nhên, cho môi kong têa ai têa kơxĭ tro tơdjâk râ ó xua kong prâi hơ’lêh ƀă têa kơxĭ đik kân.

Pôa Phạm Minh Chính, Ngế pro xiâm hnê ngăn tơnêi têa xông tơpui a Tơdroăng pêi cheăng

Việt Nam hiăng ƀă dế mơhno tơdroăng ki khŏm mơ-eăm ó rơdêi tơdjuôm ivá rơtế mâu kong têa lâp plâi tơnêi tơmiât troh têa kơxĭ rơngiâp lĕm, plâi tơngêi ngiât lĕm, hơniâp lĕm, tơniăn ƀă rơtế mơnhông mơdêk rơdêi, mơ-eăm pêi pro tơdroăng cheăng, nhuô̆m ƀă pêi tiô luât lâp plâi tơnêi; hbrâ veăng mâu troăng pơla péa pâ ƀă rêm pâ; thăm pêi pro mâu tơdroăng tơrŭm kơpong, lâp plâi tơnêi ‘na têa kơxĭ.

Klăng roh kố, Ngế pro xiâm hnê ngăn tơnêi têa pói vâ châ tơdah tơdroăng tơrŭm, tŏng kum châ tơƀrê ‘na têa kơxĭ dêi mâu khu tơrŭm cheăng lâp plâi tơnêi, mâu khu tơrŭm mơnhông mơdêk.

A Sa Ly tơplôu ƀă tơbleăng