VOV4.Xơ Đăng - Hâi lơ 12/7, pôa Phạm Minh Chính, Ngế pro xiâm hnê ngăn tơnêi têa hiăng pơkuâ po rôh pêi cheăng ƀă Đảng ủy Khô̆i khu mơdró kâ Tơnêi têa. Mơgêi rôh pêi cheăng, Ngế pro xiâm hnê ngăn hiăng mơhno nhên mâu tơdroăng ki hiăng pêi pro klêi, mâu tơdroăng ki tá hâi pêi pro klêi, ối tơvâ tơvân tung mê tối nhên, hnoăng cheăng hnê mơhno, pro ivá, po troăng, mơdêk mâu tơdroăng cheăng kâ ki ê dêi Đảng ủy Khô̆i tá hâi châ mơnhên nhên.

Ngế pro xiâm hnê ngăn tơnêi têa pơkâ thế mâu khu mơdró kâ tơnêi têa athế veăng kum hên tung mơjiâng tơdroăng cheăng kâ tơniăn krê, pơkuâ xêh, hbrâ rơnáu, kơhnâ mot tơrŭm cheăng kâ trâu hơngế, veăng kum pro tơniăn cheăng kâ kân. Thế pêi pro kơtăng, nhên hlá mơ-éa tung rak ngăn mơjiâng, tê mơdró, mơdêk hnoăng cheăng séa ngăn râ Đảng khu tơrŭm Đảng.

Ngế pro xiâm hnê ngăn tơnêi têa pơkâ thế, pơtối hriăn ngăn klêi tâi tâng khu xiâm pơkuâ kơ koan tơnêi têa tung tung khu mơdró kâ tơnêi têa rơkê plĕng, ‘nâng ‘nâi tíu tơdjêp, hriăn ngăn tơdroăng pơkâ, rak vế kăn ƀô̆ khên tơmiât khên pêi.

Katarina Nga tơplôu ƀă tơbleăng