VOV4.Xơ Đăng - Hâi lơ 19/6, pôa Phan Đình Trạc, Kăn cheăng tung Khu xiâm kal kí, Kăn xiâm pơkuâ hnê ngăn cheăng Đảng, Kăn xiâm pơkuâ tơdroăng tơnêi têa rơtế Khu râ kăn teăng mâ Kuô̆k hô̆i tíu pêi cheăng a kong pơlê Lâm Đồng, hiăng trâm mâ kuăn pơlê a cheăm Đại Lào, pơlê kong kơdrâm Bảo Lộc ƀă cheăm Liên Đầm, tơring Di Linh. A mâu tiú trâm mâ, kuăn pơlê tối phiu ro ƀă sôk xua ‘na tơdroăng châ tơƀrê dêi hneăng hôp má 3, ki má lối cho Kuô̆k hô̆i hiăng mơdoh hên chôu tơpui tơno, tơbleăng ăm pêi pro hên tơdroăng xiâm ki kal.

Pôa Phan Đình Trạc trâm mâ kuăn pơlê a Lâm Đồng

Tơdrêng amê, kuăn pơlê pơtối pâ thế troh Khu râ kăn teăng mâ Kuô̆k hô̆i tíu pêi cheăng a kong pơlê Lâm Đồng mâu tơdroăng ki nếo kal châ tơmâng, tơleăng. Teăng mâ Khu râ kăn teăng mâ Kuô̆k hô̆i tíu pêi cheăng a Lâm Đồng, pôa Phan Đình Trạc hiăng tơmâng xo rơkong tơpui, pâ thế dêi kuăn pơlê ƀă troăng tiâ tơdrêng mâu tơdroăng xiâm ối tung hnoăng.

Krê tơdroăng hbrâ mơdât kâ kơhveăm liăn ngân, pôa Phan Đình Trạc mơnhên  kô “ôh tá ai kơpong mơdât, ngế ki lâi tâng pro xôi kô pơxâu phâk’’ ƀă kô pơtối pêi pro kơtăng tâ tung la ngiâ.

A Sa Ly tơplôu ƀă tơbleăng