A rôh trâm mâ, mâu  giảng viên, sinh viên Hngêi trung Đại học Đà Lạt hiăng pâ tối hên tơdroăng tơdjâk ‘na hnê hriâm, luât pơkâ ‘na liăn khế, kơxô̆ liăn tŏng kum, kơxô̆ liăn kum mơhnhôk ăm mâu giảng viên thăm mơ-eăm, kum mơhno cheăng pêi ăm mâu sinh viên drêng hiăng klêi hriâm, túa pro hlá mơ-éa ‘na liăn cheăng ‘na khoa hok ... ối trâm hên xơpá tơvâ tơvân.

Tung mê, ki má môi cho tơdroăng sinh viên, tí tăng ‘nâi pleăng tơdroăng hriâm ‘na kơvâ khoa hok dế rế kơdroh hên. Teăng mâ Khu kăn Kuô̆k hô̆i kong pơlê Lâm Đồng, pôa Phan Đình Trạc tối mâu tơdroăng pâ thế dêi kuăn pơlê, pakĭng mê ăm ‘nâi, kô tơbleăng ăm Kuô̆k hô̆i tung rôh hôp má 6 la ngiâ.

Rôh kố, Khu kăn Kuô̆k hô̆i kong pơlê Lâm Đồng hiăng diâp 20 hnoăng liăn hriâm, rêm hnoăng liăn kơnâ 10 rơtuh liăn ăm sinh viên hngêi trung Đại học Đà Lạt ki kơtiê xơpá la mơ-eăm rơkê tung hriâm.