Tiô tối tơbleăng, hơnăm 2024,  tâi tâng tơmeăm GRDP dêi kong pơlê Nam Định tâk dâng 10% (ối má 9 tâng pơchông ƀă lâp tơnêi têa). Xo liăn ngân nâp ăm tơnêi têa châ 14.828 rơtal liăn, tâk 42% tâng pơchông ƀă hơnăm 2023. Tơbleăng a rôh pêi cheăng, pôa Tô Lâm, Kăn xâm pơkuâ hnê cheăng Đảng pơkâ thế, kong pơlê Nam Định pơtối tơkŭm pêi tơƀrê mâu pơkâ hnê mơhno, tơdroăng pơkâ dêi Tíu xiâm.

Mê cho tơbleăng pêi kơtăng kơxô̆ 35 dêi Khu xiâm kal kí ‘na Hneăng hôp kân Đảng rêm râ troh hneăng hôp Đảng tung lâp tơnêi têa rôh má 14, kố cho tơdroăng pêi pro ki kal tung hơnăm kố. Pơtối pêi Pơkâ 18 dêi xiâm tơnêi têa pro lĕm rah iâ tê mơngế pêi cheăng kal kí pêi pơxúa tơƀrê, mơ-eăm tung khế 2 klêi tơkŭm vâ hneăng hôp; tơdroăng pro iâ mơngế pêi cheăng thế pêi pro tro tiô rêm râ kuăn pơlê.

Drêng tơdah Têt Lo hơnăm nếo Ất Tỵ 2025, Kăn xiâm pơkuâ hnê cheăng Đảng rơkâu Đảng ƀô̆, mâu kăn ƀă kuăn pơlê tung kong pơlê Nam Định pơtối rak vế pêi pro tơdroăng cheăng kăch măng pêi tro mâu tơdroăng cheăng ki hiăng pơkâ.