Tơdroăng mê xua Khu xiâm Mố đô̆i gak tơkăng kong Kon Tum tơrŭm ƀă mâu kăn, kuăn pơlê mâu khu grup tung kong pơlê tơkŭm po, hiăng djâ Têt rĕng troh ƀă kuăn pơlê a tíu tơkăng kong. Ing kơxo má, krâm kuăn pơlê ing 11 to thôn dêi cheăm tơkăng kong Ia Đal tơkŭm a tíu pêi pro tơdroăng.

A kố kuăn pơlê pêi hên tơdroăng xah hêi ro Têt, mê cho kơxuô kơ ƀăn chưng ngiêt, hvât plâi còn, hrot kơxái, trut loăng... Mâu rơpŏng hngêi kơtiê xơpá châ kăn ƀô̆ mâu lêng gak tơkăng kong tơbleăng troh “mâu tíu tê tơmeăm ôh tá êa ăm liăn” vâ rôe mâu hmân ếo nếo, xo phái, têa rơmâ, têa măm, ƀột ngot.

A tơdroăng mê, mâu lêng gak tơkăng kong ƀă mâu kăn kong pơlê hiăng diâp 400 hlá cơ tơnêi têa, lối 250 kơxu tơmeăm, 400 to kơƀăn chưng, diâp hnoăng liăn ăm 9 ngế hok tro tiô tơdroăng “Têk chêng o hvêa prôk troh hngêi trung”, túa “Kuăn păn roăng dêi mố đô̆i ga tơkăng kong”; diâp hdrê ro păn ăm ai kuăn gum 2 rơpŏng kơtiê xơpá mơnhông pêi cheăng... Tâi tâng ki kơnâ lối 350 rơtuh liăn.