VOV4.Xơ Đăng - Hâi lơ 18/4, a Hà Nội, Khu hnê mơhno cheăng Mơgêi 10 hơnăm pêi pro tơdroăng pơkâ Tơnêi 8 hneăng 11 ‘na Tơdroăng cheăng tung la ngiâ rak vế Tơnêi têa tung tơdroăng nếo nôkố dêi Khu xiâm pơkuâ Kŏng an tơkŭm po Rôh hôp má môi. Đăi tươ̆ng Tô Lâm, ngế cheăng tung tíu xiâm kal kí, kăn xiâm pơkuâ Kŏng an, kăn hnê mơhno cheăng pơkuâ po rôh hôp.

Pôa Tô Lâm, Kăn xiâm Ko\ng an hôp ƀă Khu hnê mơhno cheăng Mơgêi tơdroăng pơkâ “Tơdroăng cheăng tung la ngiâ rak vế Tơnêi têa tung gak kring nếo”

Tơpui a rôh hôp, pôa Tô Lâm tối nhên, tơdroăng mơgêi 10 hơnăm pêi pro tơdroăng pơkâ Tơnêi têa 8 hneăng 11 ai pơxúa khât, malối cho tung tơdroăng a kong têa ê, tung kơpong ƀă tung tơnêi têa ai hên tơdroăng ki ôh tá tơniăn tâng vâ pơchông 10 hơnăm hdrối nah, pơkâ mơ’no hên mâu tơdroăng, hiâm mơno tơmiât, hnoăng cheăng nếo tung pêi pro hnê mơhno, mơnhên tối tiô ivá, malối cho mâu tơdroăng ki pơloăng mơnúa ƀă rak vế gâk kring tơnêi têa nôkố, pơtroh ăm Khu pơkuâ Hnê mơhno cheăng vâ tơkŭm, pêi pro klêi tơdroăng ki veăng tơpui tối dêi Khu xiâm pơkuâ Kŏng an a Rôh hôp lâp tơnêi têa, tơbleăng mơgêi tơdroăng pơkâ.

Katarina Nga tơplôu ƀă tơbleăng