Pôa Tô Lâm, Kăn xiâm pơkuâ hnê cheăng Đảng lăm pôu Kŏng hoa Singapore
Thứ tư, 10:00, 12/03/2025
Tơplôu: Gương/VOV
Tơplôu: Gương/VOV
VOV4.Xơ Đăng - Kơxê hâi lơ 11/3, pôa Tô Lâm, Kăn xiâm pơkuâ hnê ngăn cheăng Đảng, rơtế kơdrâi pôa ƀă Khu kăn xiâm tơnêi têa pin hiăng troh a tơraih tơƀai lâp plâi tơnêi Changi, pơxiâm pêi hnoăng cheăng tung rôh lăm pôu kong têa Singapore tiô rơkong krếo thế dêi Kăn chêh tôm xo rơkong Đảng Hành động Nhân dân ( PAP) dêi pôa Lawrence Wong, Ngế pro xiâm hnê ngăn kong têa Singapore.
Kố cho rôh lăm pôu apoăng dêi pôa Tô Lâm troh a Singapore drêng to pro Kăn xiâm pơkuâ hnê cheăng Đảng, tung Khu xiâm Đảng Kŏng san Việt Nam, hneăng lăm pôu ai pơxúa kân khât hlối hdró môi hvêa cheâng prôk ki nếo tung tơrŭm pơla Việt Nam ƀă Singapore.
Hneăng pôa Tô Lâm lăm pôu Singapore rôh kố cho xiâm tơdroăng ki kal vâ pơtối mơnhông tơrŭm cheăng ki dế lĕm tro péa tơnêi têa Việt Nam ƀă Singapore rế xông tơƀrê tâ nếo, trâu rơdâ tâ nếo. Hneăng lăm pôu veăng ‘no hnoăng pro trâu rơdâ tâ nếo tơrŭm pơla péa Đảng, pro xiâm kal kí ăm tơrŭm cheăng péa tơnêi têa; pơtối rak vế tung tơrŭm cheăng ‘na kơvâ cheăng kâ tơ’lêi hlâu, cheăng kâ kơxô̆, khoa hok kơmăi kơmok ƀă pơ’lêh hriăn plĕng ki nếo, ‘na on tơhrik krúa, xiâm ‘na liăn ngân.
Viết bình luận