A rôh tơpui tơno, Péa ngế kăn xiâm pơkuâ tối nhên đi đo ngăn nhuô̆m ƀă trâu hngế tâ nếo tơrŭm cheăng kong têa tơrŭm tung la ngiâ, môi tuăn ăm kong têa ki tơrŭm cheăng tung la ngiâ Việt Nam - Pơhlăng tâk troh a hneăng ki nếo; mơdêk tơrŭm ƀă thăm pơtroh mâu khu râ kăn Kuô̆k hô̆i péa tơnêi têa  lăm troh a tơnêi têa dêi rơpó tơpui tơno ‘na tơdroăng ki rơkê plĕng ƀă mơdêk ki tơƀrê tung tơdroăng cheăng dêi mâu kơ koan mơjiâng luât péa tơnêi têa.

‘Na tơdroăng tung kơpong, péa pâ tối nhên tơdroăng ki rak tơniăn hơniâp lĕm, tơniăn, gâk kring, rak tơniăn krê a têa kơxĭ, a hbo plêng, gâk kring, tối nhên tơdroăng ki kal dêi pơkâ tơleăng mâu tơdroăng tơbriât ƀă troăng hơlâ ki hơniâp lĕm tơtro bă luât lâp plâi tơnêi, malối cho tơdroăng tơkêa dêi Khu lâp kong têa ‘na Luât Têa kơxĭ hơnăm 1982.