Pôa Amarbayasgalan, Kăn xiâm hnê ngăn Kuô̆k hô̆i hâk mơnê hneăng lăm pôu  râ Kăn xiâm hnê ngăn tơnêi têa  troh Mông Cổ dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa; loi khât hneăng lăm pôu kô veăng ‘no hnoăng tơrŭm cheăng ƀă pro trâu  tâ nếo tơrŭm cheăng “tơrŭm tung tŭm tơdroăng pơla Việt Nam - Mông Cổ’’;  mơhno kố cho rôh ki  vâ mơnhông tâi tâng mâu  tơdroăng tơrŭm cheăng péa tơnêi tung la ngiâ.

Péa pâ khĕn kơdeăn khât tơrŭm cheăng, trâm mâ pơla Kuô̆k hô̆i péa tơnêi têa dế mơnhông rĕng ƀă rế trâu rơdâ khât. Péa pâ môi tuăn pơtối tơbleăng tơƀrê, tâi tâng mâu tơdroăng Tơhrâ tơrŭm cheăng hiăng kĭ pơla Kuô̆k hô̆i péa tơnêi têa hơnăm 2018; môi tuăn mơdêk hnoăng cheăng cơ koan mơjiâng luât péa tơnêi tung tơdroăng tơrŭm kơjo kum mơnhông tơdjêp pêi tơdroăng cheăng kâ ki khât, ai pơxúa ƀă tŭm tơdroăng, tơtro ƀă tơdroăng tơrŭm cheăng tung tŭm tơdroăng; mơ-eăm mơdêk tơrŭm ƀă mơhnhôk mâu khu mơdró péa tơnêi têa veăng mâu tơdroăng tê mơdró.