Kơxo hâi lơ 26/9 ( tiô chôu Hà Nội), pôa Tô Lâm,  Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa rơtế ƀă mâu kăn xiâm tơnêi têa pin  hiăng troh a tơraih tơ ƀai lâp plâi tơnêi Jose Marti a pơlê kong xiâm La Habana, pơxiâm lăm pôu râ kăn xiâm kong têa Kŏng hoa Cuba tiô rơkong krếo thế dêi kăn xiâm pơkuâ hnê ngăn Đảng ki má môi dêi Khu Kăn xiâm Đảng Kŏng sản Cuba, pôa Miguel Diaz Canel Bermudez, kăn xiâm pơkuâ hnê ngăn kong têa Cuba ƀă kơdrâi pôa.

Po tung pơla péa tơnêi têa hvái ngăn troh leh tơbâ 65 hơnăm hâi mơjiâng tơrŭm cheăng tơpui kâ (lơ 2/12/1096- 2/12/2025) hneăng lăm pôu cho vâ mơhno tơdroăng tơrŭm cheăng tiah hmâ ki kal pơla Việt Nam - Cuba hiăng ƀă xuân ngăn cho tơmeăm khoăng kơnía châ Đảng, Tơnêi têa ƀă kuăn pơlê péa tơnêi têa tơmâng tŏng gum, hlối mơhno ki nhoăm dêi Việt Nam ƀă Cuba  ƀă hnoăng cheăng dêi Cubatung luât pơkâ tơpui kâ dêi Việt Nam.

Tiô tối hdrối tung hneăng lăm pôu, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  veăng leh tơdah ki khât; ai mâu rôh hôp tơpui tơno, tơpui ƀă mâu vâi pú kăn xiâm dêi Cuba; pleăng rĕng a um meăn pôa Hồ Chí Minh, Kăn xiâm hnê ngăn tơnêi têa ki apoăngƀă ngế lêng tơplâ khên tơnôu dêi Cuba Jose Marti, lăm pôu ngăn mâu pêi cheăng, tung mê ai mâu tíu ai mâu tơdroăng tơkêa bro tơrŭm cheăng ƀă ‘no liăn  cheăng dêi mâu khu mơdró Việt Nam; trâm mâ ƀă vâi pú tơrŭm ƀă ƀă rơxông hơnăm ối nếo péa tơnêi têa.