Pôa Tô lâm kăn xiâm pơkuâ hnê ngăn Đảng, kăn xiâm hnê ngăn tơnêi têa pêi cheăng ƀă Khu kăn Đảng bô̆ cheăng ‘na tơpui kâ
Thứ sáu, 06:00, 30/08/2024
Tơplôu: Gương/VOV
Tơplôu: Gương/VOV
VOV4.Xơ Đăng - Kơxo hâi lơ 29/8 a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ rôh pêi cheăng ƀă Khu kăn Đảng ƀô̆ cheăng ‘na tơpui kâ ‘na tơdroăng tơbleăng pêi troăng rơhlâ tơpui kâ Hneăng hôp má 13 dêi Đảng ƀă mơnhông kơvâ Tơpui kâ tung la ngiâ.
Tối mơgêi hâi pêi cheăng dêi tâi tâng kơvâ cheăng tơpui kâ ai pêi châ sap apoăng hneăng má 13 dêi Đảng troh nôkố.
Tối nhên ƀă ki rơdêi ƀă ki ai klêi kơ’nai 40 hơnăm pơ’lêh nếo tơnêi têa, tung la ngiâ pôa Tô Lâm, Kăn xiâm pơkuâ hnê ngăn Đảng pơkâ thế, tâi tâng Kơvâ cheăng tơpui kâ hbrâ teăm châ ‘nâi rôh, pơloăng mơnúa, mơdêk hnoăng cheăng veăng tơpui kâ tung tơdroăng pêi pro tiô pơkâ pêi tơ ƀrê mâu pơkâ troăng hơlâ 100 hơnăm ing hnoăng pơkuâ dêi Đảng, 100 hơnăm mơjiâng tơnêi têa Việt Nam dân chuh kŏng hòa nôkố cho tơnêi têa Kŏng hoà Xah hô̆i chuh ngiah Việt Nam; pơtối mơnhông po rơdâ hnoăng veăng ‘no dêi Việt Nam ăm tơdroăng pêi cheăng kăch măng Lâp plâi tơnêi vâ hơniâp lĕm tơrŭm tơrôa mơnhông tơƀrê ƀă rơkê plĕng dêi kuăn mơngế
Viết bình luận