Kơ-êng tơdroăng rêh ối cheăng kâ dêi kăn ƀô̆, kuăn pơlê mâu lêng a tơring chuăn, pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa khĕn kơdeăn, mơnhên tối khât hnoăng cheăng ƀă nhuô̆m mâu tơdroăng ki veăng gum dêi mâu rơxông kăn ƀô̆ lêng ƀă kuăn pơlê a Chuăn tung pơla mơjiâng ƀă rak vế Tơnêi têa.

Tung la ngiâ ah, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế pơtối ‘mâi mơnhông gâk kring a têa kơxĭ, tơtrŏng troh tơdroăng tơrŭm ‘na gâk kring pơlê pơla pơla Cồn Cỏ ƀă mâu chuăn ki ê. Tơdrêng amê hlối rak ngăn krâu tơdroăng rêh ối liăn ngân ƀă tuăn mơno mâu kăn ƀô̆, lêng, vâi krâ nhŏng o ki rêh ối pêi cheăng a chuăn, rak vế tơ’lêi hlâu tung hriâm tâp ƀă rak ngăn ‘na tơdroăng khăm pơlât tŭm ăm kuăn pơlê. Drêng kố, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng diâp hên kơxuô tơmeăm ăm vâi krâ nhŏng o, ăm mâu lêng a tơring chuăn pơtroh mâu hiâm mơno ki lĕm ing tơnêi.