Teăng mâ mâu kăn xiâm Đảng, Tơnêi têa pơchuât a rôh leh, pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa tối, 70 hơnăm hdrối tơdroăng cheăng kăch măng dêi Đảng, dêi hdroâng mơngế ai hnoăng pơkuâ rơkê dêi Pôa Hồ, dêi Tíu xiâm Đảng ƀă Chin phuh, pơlê kong xiâm  Hà Nội đi đo ai hnoăng cheăng pêi ki kal, rơtế ƀă mâu hơnăm hdró ki bâ eăng ƀă tơdroăng hâk tơngăm.

Pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa xuân púi vâ, tung la ngiâ pơlê kong kân pơtối tơmâng troăng rơhlâ, po troăng rơdêi tăng xiâm mơjiâng pơlê kong xiâm vâ tơxâng cho Tíu xiâm kal kí - tíu pêi cheăng xiâm tơnêi têa, Tíu xiâm ki kân ‘na cheăng kâ, túa lĕm tro, hnê hriâm ƀă hnê mơjiâng tuăn ngôa rơkê, khoa hok, kơmăi kơmok ƀă tơrŭm lâp plâi tơnêi; Kơphô̆ rơkê plĕng, túa nếo, ngiêt krúa lĕm.