A rôh trâm mâ, Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, nôkố, Việt Nam hiăng chiâng môi tung 40 to kong têa cheăng kâ kân má môi lâp plâi tơnêi, ối tung khu 20 kong têa cheăng kâ tê mơdró ki má môi lâp plâi tơnêi, ối má 32 tung top 100 to kong têa ki pơxúa cheăng kâ dêi tơnêi têa ki rơdêi tung lâp plâi tơnêi.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi  tối nhên, tung la ngiâ, Việt Nam pơtối mơ-eăm, hbrâ tơrŭm cheăng  bă lâp plâi tơnêi pêi mâu tơdroăg pơ’lêh kơxô̆, mơnhông cheăng kâ ngiêt, mơnhông tơƀrê cheăng khoa hok kŏng ngê̆, pơhlêh nếo vâ tơrŭm cheăng trâu rơdâ, veăng pêi pơxúa a mâu tơdroăng cheăng tung lâp plâi tơnêi.

Pakĭng mê, mơdêk ‘no liăn mơnhông pro tơmeăm khoăng, mâu tơdroăng tơkêa bro tung tơnêi têa, hbrâ tơmiât nhên ki pơkuâ ‘no dêi ‘na cheăng kâ, pơtối ‘mâi hơ’lêh, pro xiâm ‘no liăn cheăng tê mơdró tơ’lêi hlâu má môi ăm mâu khu mơdró.