Ing apoăng hneăng troh nôkố, Kuô̆k hô̆i hiăng tơbleăng 43 luât, lối 60 tơdroăng pơkâ; Vi ƀan pơkuâ Kuô̆k hô̆i hiăng pơkâ 45 tơdroăng ƀă 3 luât. Pôa Tô Lâm, Kăn xiâm pơkuâ hnê ngăn Đảng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa xuân pơkâ thế Kuô̆k hô̆i kal rĕng hriăn ngăn mơnhên nhên túa pơkâ, túa séa ngăn khât dêi Kuô̆k hô̆i tơtro ƀă ai khât, ví môi tiah bô bối ƀă tơdroăng cheăng dêi mâu kơ koan tơnêi têa ki ê pro mơhrê tê kơtê.

Pơtối mơdêk ki rơkê plĕng tung tơdroăng cheăng êng tiâ mơnhên, tơpui tối leăng, séa ngăn hlá mơ-éa luât; tơtrŏng séa ngăn, pơkâ kơtăng tơdroăng pêi pro mâu tơdroăng pâ thế klêi séa ngăn. Pơhlêh nếo túa pơkâ ‘na liăn ngân Tơnêi têa rak tơniăn tơtro, ‘ló ƀă séa ngăn liăn ngân, rêm hvêa chêng teăng ăm tơdroăng pơkâ mâu tơdroăng ƀă tơdroăng luât ‘na liăn ngân.

A hneăng hôp kố, mâu tơdroăng cheăng ‘na séa ngăn ƀă pơkâ mâu tơdroăng dêi tơnêi têa xuân hên, dế pơkâ mơ’no, kuăn pơlê tơkôm; pâ thế mâu kăn Kuô̆k hô̆i mơdêk hnoăng, pôu râng dêi tơná tung tơpui tơno ƀă pơkâ mâu tơdroăng ki kal kố.