A rôh trâm kăn xiâm pơkuâ kong têa Bulgaria, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa trâm mâ mâu kăn dêi mâu kong têa  tối, Việt Nam ngăn nhoăm ƀă púi vâ mơdêk tâ nếo tơrŭm cheăng tung hên kơvâ ƀă Bulgaria; tối Việt Nam đi đo nhoăm ƀă chôu pâ tơdroăng veăng kum dêi kuăn pơlê Bulgaria ƀă Việt Nam tung pơla ai tơdroăng tơplâ tơbriêt pro tơleăng lĕm hdrối nah ƀă mơnhông tơnêi têa nôkố.

Trâm pôa Alexander Stubb,  kăn xiâm pơkuâ kong têa Phần Lan, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  mơnê Chin phuh ƀă Kuăn pơlê Phần Lan hiăng veăng gum Việt Nam tung pơla mâu hơnăm pá puât hdrối nah ƀă chôa lâng mơnhông tơnêi têa, xuân môi tiah pơtroh rơkong kơ-êng, mơhnhôk Kuăn pơlê Việt Nam mơ-eăm tơkâ luâ xơpá xua khía kân rôh má 3 plong mot.

A rôh trâm mâ, pôa Sheikh Sabah Al-Khaled Al-Sabah, Kuăn pơtáu Kuwait, pôa Tô Lâm,  Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế péa pâ pơtối tơpui tơrá mâu kăn xiâm tơbleăng nhên  mâu luât tơrŭm cheăng. Việt Nam vâ tơdah mâu khu mơdró Kuwait ‘no liăn pêi cheăng kâ a Việt Nam.