Pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa Khê̆n kơdeăn khât tơdroăng pêi châ tơƀrê dêi Kăn teăng mâ ƀă mâu kơ koan teăng mâ tung pêi hnoăng cheăng Đảng tơnêi têa pơcháu, tơmâng xo mâu tơdroăng ki hiăng mơ-eăm, tơrŭm môi tuăn, pêi cheăng tá tuăn vâ, ing mê veăng ‘no hnoăng mơnhông dêi Cuba ƀă tơrŭm cheăng pơla péa tơnêi têa.

Pa môi hdroh nếo tối, tơdroăng tơrŭm môi tuăn dêi rơpó sap ing nah, tơrŭm cheăng tung tŭm tơdroăng pơla Việt Nam - Cuba ôh tá la lâi pơtê mơnhông đi đo ƀă mơnhông tung hên kơvâ cheăng, Kăn hnê ngăn péa Đảng, péa tơnêi têa hên rôh tối nhên tơrŭm cheăng pơla péa tơnêi têa “cho xiâm mơhno ki lĕm tro pơla péa tơnêi têa Xah hô̆i chuh ngiah”, “vâ pơtih dêi rơxông nôkố’’.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa ăm ‘nâi hneăng lăm pôu Cuba rôh kố pa môi hdroh nếo tối Đảng, Tơnêi têa ƀă Kuăn pơlê Việt Nam nhoăm tơrŭm cheăng ki môi tuăn dêi rơpó sap nah ƀă malối tơrŭm cheăng péa Đảng, péa tơnêi têa ƀă péa hdroâng kuăn ngo, púi vâ mơnhông rơdêi ƀă mơdêk ki tơrŭm pơla Việt Nam - Cuba tung mâu hơnăm nếo nôkố.