Indonesia cho tíu troh apoăng dêi pôa Tô Lâm, Kăn xiâm pơkuâ hnê ngăn Đảng tung roh lăm pôu pêi cheăng kong têa ê apoăng hơnăm 2025, tơkŭm po tung pơla tơrŭm cheăng péa tơnêi têa dế mơnhông lĕm ƀă mâu tơdroăng châ tơƀrê klăng roh leh tơbâ 70 hơnăm mơjiâng tơrŭm tơpui kâ (1955 – 2025).

Roh lăm pôu pêi cheăng kô veăng kum pro krá tơniăn kal kí, mơdêk râ tơrŭm cheăng tung tâi tâng mâu kơvâ pơla péa tơnêi têa. Tung kơpong ASEAN, pái chât hơnăm sap ing Việt Nam veăng sap ing hơnăm 1995 troh nôkố cho troăng prôk ki pâ vế tá Việt Nam ƀă ASEAN. Hâi khế hiăng mơnhên môi Việt Nam chôa ‘lâng xông kân, mơnhông mơdêk, hbrâ veăng hên tâ ăm tơdroăng tơdjuôm. Plâ tơdroăng veăng gum ASEAN, Việt Nam đi đo châ kơjo má môi ăm tơdroăng rak tơrŭm ƀă môi tuăn ASEAN.