Klêi tơmâng tơbleăng rah ki kal tối mơgêi tơdroăng cheăng ‘na lêng, lêng kring gak tơkăng kong hơnăm 2024, mâu kăn hiăng tơkŭm tơpui tơdroăng séa ngăn mâu tơdroăng ki hiăng pêi hâi pêi, tối mâu tơdroăng hiăng pêi tơƀrê tung pơkuâ hnê mơhno cheăng lêng, ‘na kring gak tơkăng kong hơnăm 2024 tơpui ƀă pơkâ mâu troăng hơlâ, túa pơkuâ ngăn pêi pro hnoăng cheăng tung hơnăm 2025...

Pôa Tô Lâm - Kăn xiâm pơkuâ hnê ngăn Đảng pơkâ thế, Đảng lêng xiâm tơnêi têa, Khu xiâm pơkuâ ngăn lêng tơkŭm pêi ahdrối ƀă séa ngăn tâi tâng mâu pơkâ, tơdroăng cheăng pêi ki hiăng châ Hneăng hôp má 13 dêi Đảng, Hneăng hôp kân Đảng ƀô̆ lêng rôh má 11 ai tối, ai troăng rơhlâ pơkâ pêi, ƀă tơdroăng mơ-eăm pêi troh ta klêi. Tối hên, rơtế ƀă mâu kăn pêi tơƀrê tơdroăng cheăng kal kí, mâu tơdroăng pêi tơƀrê, tơdroăng cheăng hmâ pêi đi đo, Đảng lêng xiâm tơnêi têa thế tơmâng khât tơdroăng pơkuâ mơjiâng Đảng ƀô̆ lêng krúa rơdêi, djâ troăng lĕm ahdrối tung tâi tâng Đảng.