Séa ngăn tơdroăng pơkâ hdró Hngêi kơmăi, pôa Tô Lâm - Kăn xiâm pơkuâ hnê ngăn Đảng hiăng tơmâng tối tơbleăng ‘na tơdroăng pơkâ hdró, ki kân dêi tơdroăng tơkêa bro, tơdroăng mơhnhôk pêi, chêl thiê̆n vâ kuăn pơlê a kơpong tơkêa bro rak vế pêi pro tro tiô troăng hơlâ, tơnăng vâ pơcháu tơnêi.

Kăn xiâm pơkuâ hnê ngăn Đảng pơkâ thế pêi pro mâu tơdroăng pro hlá mơ-éa tơdroăng tơkêa bro, tơbleăng Chin phuh séa ngăn, kĭ pơkâ ƀă xoăng liăn, tơniăn tiô pơkâ, Pơtối mê, Kăn xiâm pơkuâ hnê ngăn Đảng  troh veăng leh pơxiâm vâ pro Hngêi ki hên kơvâ cheăng, lâm hriâm, ƀă mâu tíu ki ê - Hngêi trung mâuh yăo Phước Dinh, tơring Thuận Nam. Kố cho  tơmeăm khoăng ki ai pơxúa hlối tŭm tơmeăm ki hbrâ vâ hnê hriâm, ƀă tâi tâng kơxô̆ liăn 12 rơtal liăn xua Kăn xiâm pơkuâ hnê ngăn Đảng ƀă Khu kăn cheăng Tíu xiâm tơnêi têa lăm pôu ngăn Kơno tuk Cà Ná.

Rôh kố, pôa Tô Lâm Kăn xiâm pơkuâ hnê ngăn Đảng ƀă Khu kăn xiâm tơnêi têa troh lăm pôu ngăn pơlê pêi cheăng pro tơmeăm ƀă tơnêi hneăng Bàu Trúc,  a pơlê  kân Phước Dân, tơring  Ninh Phước.