Pôa Tô Lâm hiăng têk nhang xú hŏm lĕm, koh nhuô̆m tơbâ mâu hnoăng kân kĭn dêi mâu pôa Lê Duẩn, Đỗ Mười, Lê Khả Phiêu, Kăn xiâm pơkuâ hnê ngăn Đảng hneăng hdrối nah tung tơdroăng cheăng kăch măng dêi Đảng, dêi hdroâng mơngế; mơhno hiâm mơno pâ mơnê trâu hơngế mâu Kăn xiâm pơkuâ hnê ngăn Đảng hneăng hdrối hiăng ai hên tơdroăng ki pleăng xua tơniăn krê dêi Tơnêi têa, xua hơniâp lĕm dêi kuăn pơlê.

Klăng roh rơnó Hơngui nếo, pôa Tô Lâm, Kăn xiâm pơkuâ hnê ngăn Đảng rơkâu mâu rơpŏng pôa Lê Duẩn, Đỗ Mười, Lê Khả Phiêu, Kăn xiâm pơkuâ hnê ngăn Đảng hneăng hdrối nah ivá mo sêi, hơniâp lĕm, châ tơƀrê, hriâm tâp rơkê, pêi cheăng lĕm tro, pleăng hên má môi ăm Tơnêi têa, kuăn pơlê.