Pôa Tô Lâm, Kăn xiâm pơkuâ hnê ngăn Đảng troh veăng leh, tối tơbleăng ƀă diâp pri ăm mâu ngế ki châ kâ pri ối má môi. Sap 2.544 ƀai pơtroh veăng tơhnoăng dêi Hô̆i đong châm điêm mơ’nui pơxá Pri Búa liềm vàng rôh má 9 hơnăm 2024 hiăng rah xo mâu ƀai ki ro vâ mơhá pro  6 pri A, 12 pri B, 18 pri C ƀă 40 pri mơhnhôk.

Rơ’jíu xiâm Việt Nam hâk tơngăm châ xo pri dêi khu chêh hlá tơbeăng Lê Tuyết, Vân Hồng ƀă Đình Hiếu dêi dêi Ban Thời sự VOV1 ƀă mâu ƀai “Pơhlêh nếo luât, tơƀrê pro xiâm vâ tơnêi têa mot tung chal nếo”, 1 pro B, 4 pri mơhnhôk ƀă 1 tung 15 khu pú hên xo Ƀâng kơdeăn khĕn dêi khu Tơkŭm po tơ’noăng xua ai hnên hnoăng veăng ‘no ăm pro Búa liềm vàng.

Teăng mâ mâu kăn Đảng, Tơnêi têa  diâp pri A - pri Búa liềm vàng rôh má 9 - hơnăm 2024 ăm mâu ngế, khu ki ai ƀai chêh rơkê, pôa Tô Lâm, Kăn xiâm pơkuâ hnê cheăng Đảng tối, tung hơnăm hdrối nah ing hnoăng pơkuâ dêi Đảng Tơnêi têa mê tơdroăng ki apoăng cho pêi pro tiô Hồ Chí Minh, Kăn xiâm hnê ngăn tơnêi têa ki apoăng, hlá tơbeăng kăch măng Việt Nam đi đo cho mâu lêng mâu ki xiâm, rak hnoăng cheăng pêi ahdrối dêi Măt trâ̆n tuăn mơno - túa lĕm tro, veăng ‘no hnoăng kân tung mơnhông cheăng kăch măng dêi Đảng ƀă tơnêi têa.