Pôa Tô Lâm, Kăn xiâm pơkuâ hnê ngăn Đảng mơnhên Việt Nam nhuô̆m tơrŭm cheăng ƀă Nhuk; tối mâu tơdroăng ki Chin phuh Nhuk ƀă JBIC rơhêng vâ ‘nâi plĕng xuân cho mâu kơjo mơnhông dêi Việt Nam tung la ngiâ, tung mê ai hngêi trăng troăng klông, on tơhrik, kŏng ngê̆ kơxô̆.

Pôa Tô Lâm, Kăn xiâm pơkuâ hnê ngăn Đảng hâk ro troăng tơmiât pêi rơkê mâu kong têa châu Á mơ’no trếo ‘mêi lo pakong ƀă 0 (AZEC) xua pôa Kishida Fumio, Ngế pro xiâm hnê ngăn kong têa Nhuk pơkâ ƀă dế mơ-eăm pêi pro troăng pêi la ngiâ pêi châ plâh troh hơnăm 2050 ki Việt Nam hiăng tơkêa a COP26. Việt Nam hbrâ tơrŭm ƀă kong têa Nhuk ƀă mâu kong têa tung kơvâ nếo tối, pơkâ thế Nhuk ƀă JBIC pơtối rơtế tơdroăng mơnhông mơdêk dêi Việt Nam, tơdrêng amê tơmâng mơdêk tơdjêp troăng klông pơla mâu kong têa Đông Nam Á, kơpong kun Mekong tá ‘na troăng klông, on tơhrik, ‘noăng chư chêh ‘măn ki kân.